【on.cc 東網專訊】有「翻版Cool魔」的藝人張振朗出席婚紗騷，表示會現場獻唱兩首歌曲，但就笑言不會再選擇張智霖的歌曲，因希望可以做回自己：「可能觀眾都會悶同想有新鮮感，最近喺新一輯《愛·回家》入面會做瑜伽師傅，自己都特登去做運動同曬黑，又剪頭髮，好期間7月6號劇集首播，無論觀眾反應係好定壞！」
講到歐陽震華傳出不被無綫續約，歐陽震華的經理人Lydia直斥無綫高層樂易玲親口說出「有啱先搵你」，而樂易玲今日現身油塘舉行的活動也親自作出回應，指是雙方在溝通中出現問題。對此，他則表示：「有睇過吓，大人嘅事，細路仔唔理得咁多。（知唔知發生咩事？）原先唔知，應該係誤會，因為報紙標題大字咁寫。（之前傾合約有冇出現過小插曲？喺同樂小姐傾合約時？）唔係，之前係同前經理人傾，冇特別，公司都我不薄，亦會去討論，自己都好開心，冇咩問題！」
對於早前獲無綫製作部總監曾勵珍點名力捧，有份參演新一輯《愛·回家》。他則表示不敢多想：「唔敢當，都係做吓戲，若然珍姐畀機會我，我更加要努力做好佢。依個星期自己溫書（劇本）溫到好夜，太過緊張想做好啲，希望冇令珍姐失望！」
Search